Nitohy hatrany ny hetsika nataon'ny VOT izay
fanairana voalohany hanentanana ny vahoaka Malagasy rehetra tsy
ankanavaka indrindra fa ny eto ANTANANARIVO . Betsaka ireo Tracts naely sy
Afisy napetraka eran'ny tananan'Antananarivo sy ny manodidina nampiseho
fa tena hetsi-bahoaka mihitsy hamakina ny 13 Mai ity hetsika ity fa tsy hetsiky
ny mpanao politika akory. Izany no natao dia ny mba ialàna amin'ny
fanararaotana ataon'ireto farany mpitady seza na ny atao hoe "mpijapy
lamasinina".
Nasehoan'izy ireo tamin'izany koa fa
leon'ny toetra mamoehatra sy ny fitondrana tsy ara-dalàna ary ny jadona
mpanimba Firenena ny vahoaka ka tsy hanaiky intsony ny fitohizan'ny
fitondran'ny mpanongam-panjakana.
Noho izany dia mitohy ny Tolona ataon'ny
vahoaka hoy izy ireo ary tsy hijanona intsony io amin'ny 13 Mai io na dia eo
aza ny fampihorohorona ataon'ny miaramila sy zandary ary polisy (jereo ny
sary). Tsy hampihemotra
azy ireo izany.
Koa izao no ANTSO nataon'izy ireo:
MANAINGA SY
MIANTSO NY VAHOAKA MBA HO TONGA MARO. HIFANOHANA ISIKA HANDRESENA NY JADONA SY
NY FAMPIHOROHORONA. TSY MIJANONA NY TOLONA EO AMIN'NY 13 MAI RAHA TSY TANTERAKA
SY TRATRA NY TANJONA DIA NY FANDRODANANA NY F A T SY IREO MPIRAY TSIKOMBA
AMINY, MPITADY SEZA SY MPAMITAKA NY VAHOAKA. AOKA IZAY.
13 MAI IHANY, 13 MAI HATRANY!!!
Aucun commentaire:
Enregistrer un commentaire