Malagasy Mandresy, Madagasikara
Afaka
Peuple Malagasy Gagnant. Madagasikara Libre
Winner Malagasy People. Free Madagasikara
Valin-tenin’ny GTT
INTERNATIONAL-GENEVE ho an’Atoa Mamy Rakotoarivelo.
“Tsy ny GTT
International-Genève akory no atao fanalàna vonkona”
Araky ny valan-dresaka nataonao izay nivoaka tao amin’i
RFI, ny 3 septambra 2013 (http://www.rfi.fr/afrique/20130903-madagascar-mouvance-ravalomanana-proie-dissensions-internes) dia tianay no manao izao fanamarihana manaraka izao:
- Nolazainao fa “mpanakorontana” ny GTT International-Genève. Fanehoan-kevitra
no nataonay ary amin’ny maha olom-pirenena anay, izay mikatsaka lalandava
ny ivoahan’ny Firenena amin’ny krizy lavareny ankehitriny, dia adidinay no
nanao ary mbola hanao izany, indrindra raha hita sy tsapa fa tsy mety ny
fitondrana ny Tolona. Voaporofo izany ankehitriny amin’ny tsy fahatokisan’ny
mpitolona maro an’isa anareo intsony. Voaporofo koa amin’ny nanerena ny
Malagasy hiditra amin’ny fifidianana tsy misy an-dRtoa Lalao RAVALOMANANA.
Koa, tsy azonay ekena velively
ny filazanao satria fanapenam-bava izany ary mifanohitra tokoa amin’ny fototra
ijoroan’ny Fikambananay. Tsy ianao mihitsy Atoa Rakotoarivelo, na dia Filohan’ny
ankolafy aza, no afaka hanery anay amin’izay tokony ataonay. Rehefa diso tetika
ianareo mpitondra ao amin’ny ankolafy ka tsy nahatontosa ny andraikitra
nankinina taminareo , dia tsy tokony hiampanga ny hafa ka ny GTT
International-Genève no atao fanalàna vonkona.
- Nambaranao koa fa “mpanao herisetra amin’ny mpanao politika Malagasy ny GTT
International”. Mahitsy ny teninay. Ady am-pilaminana no nataon’ny GTT
International-Genève hatrizay fa tsy mbola nisy herisetra tamin’ireo
hetsika maro nandraisanay anjara. Mahafantatra tsara izany atao hoe “lalàna”
izany ny mpikambana ary miady ny hanjakan’izany any an-Tanindrazana, ka tsy
izahay indray akory no hanao izay handikàna izany. Koa lainga tsy misy
henatra sy fiampangana tsy mari-pototra tsotr’izao no ataonao entina hanasoketana
sy handotoana ny Fikambanana amin’ny asa fanavotam-pirenena ataony satria manelingelina
ny GTT International-Genève.
Mbola tsindrinay ihany fa tsy nahatontosa ny asa
nankinina taminy ny mpitarika ny ankolafy ka takianay ny fialàn’izy ireo. Tsy
ekena intsony ny fiaraha-miasa amin’ny mpanongana ka takianay koa ny fialàna ao
amin’io rafitra tetezamitan’ny mpanongana io.
Tianay ny mampahatsiahy anao Atoa Mamy Rakotoarivelo
fa fikambanana mahaleo tena, manana ny fomba fijeriny sy ny fanehoan-keviny
malalaka ny GTT International-Genève, ary tsy mitsahatra ny manara maso sy
hamoaka hatrany ny heviny tsy am-pisalasalana eo anoloan'ny raharam-pirenena,
raha ilaina izany.
Ny hahasoa ny Tanindrazana no
imasoanay hatrany
Genève, 3
septambra 2013
GTT INTERNATIONAL – GENEVE
Collectif de
la Diaspora
15, rue des
Savoises
Genève –
Suisse
Aucun commentaire:
Enregistrer un commentaire