Tsy
diso anjara ny renivohitry ny Faritra Analanjirofo
Ny tolakandron’ny
alahady 16 oktobra lasa teo, nampiantso olon-tsotra tao amin’ny
efi-trano malalaka iray tao Fénérive-Est ny ekipa GTT International
Genève Toamasina. Nandritra izany no nitondran’izy ireo fanazavana
ny fipetraky ny toe-draharaham-pirenena. Niditra mivantana ny birao
foibe GTT Inter Genève tamin’ny fampahafantarana ny tena vaovao
marina eto Madagasikara sy ireo teboka maromaro. I Ramatoa Patricia
Lehmann (Filoha Lefitra) izay nanazava ny raharaha 7 febroary 2009,
izay nilazany mazava tsara fa ny FAT no tompon’antoka tamin’iny
raharaha iny. Ny Filoha Dr Gilbert Darsot kosa tetsy ankilany
nitondra fankaherezana ho an’ny mpitolona rehetra tao Fénérive-Est.
Tsy nanadino ny fampitam-baovao koa ny mpiandraikitra ny serasera eo
anivon’ny GTT Inter Ge, Pr Dieudonné Ranarison. Ity farany izay
nanazava ireo hetsika sy ny tolona rehetra ataon’ny GTT Inter
Genève na any ivelany na eto Madagasikara ho famerenana eto
Madagasikara sy eo amin’ny Fitondrana ny Filoha voafidim-bahoaka,
Marc Ravalomanana.
Afa-po sy
nankasitraka izao fampitam-baovao nataon’ny GTT Inter Genève izao
ireo nanatrika rehetra ary nisaotra manokana ny ezaka ataon’ny GTT
Inter Genève ary maniry mafy koa amin’ny manaraka ny hihaino
mivantana ny feon’i Dada toy ny ataony amin’ireo Faritra maro
manerana ny Nosy.
Nofaranana tamin’ny
fiaraha-mikorana ny fotoana.
Aucun commentaire:
Enregistrer un commentaire