Ny GTT
International–Genève dia nisafidy ny tsy hanohina ny antso
nataon'Atoa Mamy Rakotoarivelo. Nambara mantsy fa tatitra momba ny
fihaonana tany Desroches (Seychelles) no ho ataony amin'izany. Aminay
anefa dia tsy mitombona izany noho ireto antony manaraka ireto :
- tsy tokony nisy olon-kafa ankoatran'ireo voakasika mivantana afaka nanatrika io fihaonana io araky ny fepetra napetraky ny SADC. Noho izany dia zavatra tsy marina no ho tanterin'Atoa Rakotoarivelo.
- Raha toa ny Filoha ka sendra niresaka taminy momba ny zava-nitranga tao amin'ny fihaonana, dia tokony hijanona ho tsiambaratelo. Raha tsy izany dia midika ho:
- fiampangana ny Filoha eo anatrehan'ny SADC izay efa nametraka fepetra hentitra mikasika indrindra ny tsy amoaham-baovao,
- fampielezana ny tsiambaratelo eny anivon'ny be sy ny maro amin'ny alalan'ny famoriam-bahoaka toy izao.
Ho fehin'ireo voalaza
ireo dia ambaranay marindrano fa tsy azo hitokisana Atoa
Rakotoarivelo, ary mampibaribary ny filalaovany ny Tolona ka fotoana
very maina ny fihaonana aminy.
Farany, dia tsy hainay ny
hangina manoloana ny zava-nitranga omaly zoma 27 jolay 2012 teny
Ivato mikasika ny nanjo ny fianakavian'ny Filoha. Inona no nataon'ny
mpitarika ny movansa Ravalomanana tonga maro nanatrika teny
an-toerana ? Raha tena mpanohitra ny FAT marina ianareo, tsy
fotoana tokony ho nampisehoana izany ve ireny trangan-javatra feno
herisetra sy fanitsakitsahana ny zo maha-olona ireny ?
GTT INTERNATIONAL –
GENEVE
Collectif des Patriotes
Malagasy
Rue des Savoises
1205 GENEVE – CH
Aucun commentaire:
Enregistrer un commentaire