FANAMBARANA
Koa satria efa hody eto
an-tanindrazana mialohan’ny fampielezan-kevitra ny filoha Ravalomanana, araka
ny teniny sy ny fifampiraharahana izay
nataony, , dia hino isika fa ho voavahany izany io olana iray lehibe io ary iderana azy manokana
izany ary hivalona tanteraka iny olana iny
Koa aleo hiroso tanteraka amin’izay hamaha ny olana fototra mianjady amin’ny firenena ka
tsy ahatonga ny krizy miverimberina intsony. Amin’izao taona arivo fahatelo izao, amin’izao taon-jato faha-21 izao
dia tsy mendritra ny vahoaka malagasy intsony ary lavinay tanteraka, ny fanaovana sarintsarim-pifidianana
hametrahana rajakom-bazaha sy hanerena ny sasany ho haingon-tsehatra
demokratika fotsiny.
Noho izany, dia :
1-
Miantso
ny mpiray tanindrazana rehetra, ny ankolafin-kery samihafa mba hiroso tsy misy hatak’andro
ho amin’ny fanorenana firenena vaovao mifototra amin’ny demokrasia
malagasy, ka hiara-handinika sy hiaro ary hanatenteraka ny
lalam-panorenana, lalam-pifidianana ary ny lalana mifehy ny antoko tena niadian-kevitra
tsy nifanilihana. Ho reherehantsika mianakavy eo anatrehan’izao tontolo izao ny
fahavitantsika izany
2-
Miantso
ny FFKM, hampanjary ny fehin-kevitra
niraisan’ny rehetra teny amin’ny CCI Ivato ny 18 Avrily sy ny 03 ka hatramin’ny
05 Mai 2013 . Fantatrareo tsara fa ny fifidianana dia
loharanom-pikorontanana, eny na dia amin’ny vanim-potoana tsotra aza, maika fa
amin’izao vanim-potoana misy ny firenentsika izao, izay mbola manjavozavo
tanteraka izany fahatoniana izany. Antsoy
ny rehetra hivory, hifandinika indray aloha fa firenena iaraha-manana ity. Sao
sanatria ka tafalatsaka amin’ny
hantsan’ny ady hatrano lalina isika ka
ho nenina tsy roa aman-tany. Aleo misoroka mialoha toy izay latsa-panenenana avy eo
3-
Manao
antso avo amin’ny firenen-drehetra ihany koa isika, fa raha te-hanampy marina
ny firenena malagasy tokoa ianareo dia hampio
izahay hamerina ireo vidin’ny harena
norobain’ny jiolahy ka naondrany any ivelany, vola izay heverinay fa ampy tsara
ho enti-manana amin’ny adihevitry ny samy malagasy sy hanaovanay fifidianana
teny ierana tsara. Tsy hangataka zavatra maro aminareo izahay ary mihevitra
izahay fa azonareo atao tsara izany ary fanampiana mendrika ny Malagasy.
Masina ny Tanindrazana iombonana
Ny Antoko TEZA
Satria izy milaza fa hody antanindrazana araky nolazainy sy ny fifanarahana izay nataony : HOY NY TEZA. Ny fanontaniana apetraka @ TEZA .Tsy ny ampody azy ve no antony nidiranareo tao anaty GVT, CST, CT ? Inona no mba vitanareo tao ?mikikika sy nandray vola fotsiny no zava-bitanareo tao .Raha izay v no hitany vaha olana ampody azy ,tsy aleony v manohana an'i ROBINSIN,? Tsy tohiny maneso an'i Pdt RAVALOMANANA v ny fanambaranareo? Tsy maintsy mandeha amin'izao lalana izao izy satria ianareo tsy nahavita ny mission nampanaoviny anareo,fa ny toerana no mahamaika anareo.
RépondreSupprimer